• Улаанбаатар
    | Шөнө ℃
  • Маргааш
    | Шөнө ℃
Social Icons

Social Connect

2021-02-24 13:40:34

НОЦТОЙ ОСЛЫН УЛМААС ХОЁР ХҮН НАС БАРЖ, 11 ХҮН ГЭМТЖЭЭ

Говь-Алтай аймгийн Шарга сумын Сондуулт багийн “Улаан тээг” гэдэг газар /аймгийн төвөөс баруун хойд зүгт 105 км-т, сумын төвөөс зүүн хойд зүгт 50 км-т/ зам тээврийн осол болж, автомашины төмөр хийцэд хүн хавчуулагдаж нас барсан тухай дуудлага энэ сарын 24-ний өдрийн 01:55 цагт Цагдаагийн байгууллагаас Онцгой байдлын албанд ирсэн байна.

Дуудлагын дагуу тус аймгийн Онцгой байдлын газрын Эрэн хайх, аврах бүлгийн дөрвөн алба хаагч, нэг автомашинтай 105 км замыг туулан 03:50 цагт очиход Ховд аймгаас Жаргалант сумаас Улаанбаатар хотын чиглэлд иргэн Б-гийн жолоодож явсан “Грандбирд” загварын том оврын автобус, Говь-Алтай аймгийн Есөнбулаг сумаас Баян-Өлгий аймгийн чиглэлд иргэн Б-гийн жолоодож явсан “Кроун” загварын суудлын автомашинтай мөргөлдсөн байна.

Ослын улмаас Баян-Өлгий аймгийн харьяат 29 настай, эрэгтэй Б, Ховд аймгийн Жаргалант сумын харьяат 56 настай, эмэгтэй О нар  автомашины төмөр хийцэд хавчуулагдан нас барсан байсныг Цагдаагийн байгууллагад, бэртэж гэмтсэн 11 хүнийг Эмнэлгийн байгууллагад тус тус шилжүүлэн өгчээ. 

нийтлэгч:

Сэтгэгдэл